18 снежня 2003

• Аляксандра Герасіменя пакуль не выступае. Затое самая прыгожая

  241(1804) 18.12.03 17-гадовая плыўчыха Аляксандра Герасіменя стала пераможцам конкурсу прыгажосці "Каралева спорту", арганізаванага Нацыянальным алімпійскім камітэтам Беларусі і спартыўнай газетай "Прессбол". Конкурс быў ініцыіраваны камісіяй НАК "Жанчыны і спорт", якую ўзначальвае выдомая гімнастка Марына Лобач. Ідэю падтрымаў Міжнародны алімпійскі камітэт, які выдзеліў грант у памеры 1500 далараў ЗША.

12 снежня 2003

• Павінны знікнуць тры мільёны беларусаў. Па прагнозах...

  236(1799) 12.12.03 Паводле прагнозаў вучоных-экспертаў Фонду ААН у галіне народанасельніцтва (ЮНФПА) да 2300 года насельніцтва Беларусі будзе складаць 6,5 мільёна чалавек. Цяпер у краіне пражывае больш за 9,5 мільёна. У выніку даследванняў эксперты прыйшлі да высновы, што да 2300 года насельніцтва Зямлі складзе 9 мільярдаў чалавек. Цяпер на планеце пражывае 6,3 мільярда. Прагноз ААН грунтуецца на тым, што ў сярэднім у сям'і будуць два дзіцяці. Як зазначаецца ў дакладзе, у краінах Усходняй Еўропы і СНД колькасць насельніцтва будзе паступова скарачацца.

• Запрашаем на "калядныя сустрэчы"

  236(1799) 12.12.03 З 24 снежня па 8 лютага ў Мінску пройдзе першы калядны фестываль "Сустрэчы на Каляды". Фестываль распачнецца на сцэне Цэнтральнага Дома афіцэраў. Праграма каляднага фестывалю вельмі насычаная, яна арганізавана сумесна з Таварыствам падтрымкі хрысціянскай культуры "Дабралюбства", Домам міласэрнасці і Хрысціянскім адукацыйным цэнтрам св. Кірылы і Мяфодзія. У рамках фестывалю пройдуць канцэрты дзіцячых хораў, фестываль дзіцячай творчасці, выстава-кірмаш "Праваслаўнае раство", выстава мастака Дзяніса Палтарана. Завершыць фестываль праграма "Мір вашаму дому".

14 лістапада 2003

• Звонкія галасы

  212(1775) 11.11.03 20 лістапада ў Беларусі стартуе ХХХ міжнародны фестываль "Беларуская музычная восень", прысвечаны 70-годдзю Беларускага саюза кампазітараў. Канцэрты "Беларускай музычнай восені" пройдуць ва ўсіх абласцях Беларусі і ў іх будуць задзейнічаны ўсе абласныя філармоніі. Адкрыецца фестываль 20 лістапада канцэртам памяці Анатоля Багатырова. У канцэрце возьмуць удзел розныя калектывы і выканаўцы. 1 снежня ў Віцебску пройдзе канцэрт, які стане афіцыйным закрыццём фестывалю і адкрыццём музычнага форуму імя Івана Салерцінскага.

22 кастрычніка 2003

• ТБМ запрашае...

  199(1762) 21.10.03 Зноў пачаў працаваць семінар Таварыства беларускай мовы імя Ф.Скарыны. Працягваюцца сустрэчы з вядомымі беларускімі пісьменнікамі і гісторыкамі. 23 кастрычніка Вы можаце паслухаць Кастуся Тараса. Тэма семінара: "Мінск у часы сталінскіх рэпрэсій". 24, 31 кастрычніка Віталь Скалабан правядзе размову на тэму "Гісторыя ўзнікнення і развіцця беларускіх партый і рухаў у Мінску". 29, 30 кастрычніка Анатоль Грыцкевіч будзе апавядаць пра "Гістарычную тапаграфію і тапаніміку Мінска". Пачатак семінараў а 18-й гадзіне. Адрас сядзібы ТБМ: вул.Румянцава, 13, тэл.284-85-11.

14 кастрычніка 2003

• Прагаласавалі за Алега Трусава

  194(1757) 14.10.03 На VIII з'езде "Таварыства беларускай мовы імя Францішка Скарыны" (ТБМ) старшынёй гэтага грамадскага аб'яднання зноў абраны Алег Трусаў. Свае пасады захавалі і яго намеснікі — Людміла Дзіцэвіч, Сяргей Кручкоў і Алена Анісім, а таксама галоўны рэдактар газеты ТБМ "Наша слова" Станіслаў Суднік. Выбрана рэспубліканская Рада ТБМ у складзе 54 чалавек. Алег Трусаў паведаміў, што зараз ТБМ налічвае 7 тысяч членаў, у тым ліку каля 300 — за мяжой.

13 кастрычніка 2003

• Над аб'яднаннем — хмары

  192(1755) 10.10.03 Абласное грамадскае аб'яднанне "Гомельская асацыяцыя дзяцей і моладзі" (АСДЕМА) можа быць ліквідавана ў судовым парадку. Такую выснову зрабіла галоўны спецыяліст упраўлення юстыцыі Гомельскага аблвыканкама Тамара Стрыжнева па выніках праверкі статутнай дзейнасці а'яднання, якая праводзілася з 21 жніўня па 30 верасня. У даведцы па выніках праверкі зазначаецца, што парушалася перыядычнасць правядзення сходаў і пасяджэнняў рады аб'яднання, а таксама правілы прыёму ў яго члены. Апрача таго, праверка не пацвердзіла абласны статус АСДЕМА і вынайшла, што пячатка аб'яднання не адпавядае дзеючым патрабаванням.

2 кастрычніка 2003

• У Мінску праходзіць Нямецкі тыдзень

  186(1749) 02.10.03 З 2 па 10 кастрычніка ў рамках Нямецкага тыдня, арганізаванага пад эгідай пасольства ФРГ у Беларусі, у Мінску пройдзе шэраг мерапрыемстваў. Нямецкі тыдзень уключае ў сябе мерапрыемствы на такія тэмы, як "Дыялог культуры і мовы", "Беларусь і Германія: кірмаш магчымасцяў", "Бяром урокі з гісторыі". Адной з найгалоўнейшых падзей будзе міжгаліновая сустрэча прадстаўнікоў беларускай і нямецкай эканомік "Беларусь і Германія: кірмаш магчымасцяў", адкрыццё якой адбудзецца 6 кастрычніка ў Мінскім міжнародным адукацыйным цэнтры. Больш падрабязную інфармацыю можна атрымаць у Інстытуце нямецкіх даследванняў па тэлефоне (017) 237-37-33.

• У Беларусі адкрыліся Дні Кітая

  186(1749) 02.10.03 Прэзентацыяй нумара часопіса "Всемирная литература", прысвечанага Кітаю, у Беларускім таварыстве дружбы і культурнай сувязі з замежнымі краінамі ўрачыста адкрыліся Дні Кітая ў Беларусі. У рамках Дзён Кітая ў БелТД пройдуць: вечар сцэнічнай пастаноўкі беларускіх і рускіх казак на кітайскай мове (13 кастрычніка), літаратурна-музычны вечар (21 кастрычніка), а таксама "круглы стол" на тэму "Пяць элементаў кітайскай філасофіі" (23 кастрычніка). На 16 кастрычніка запланавана правядзенне "круглага стала", прысвечанага перспектывам дзелавога і эканамічнага супрацоўніцтва паміж Беларуссю і Кітаем.

26 верасня 2003

• "Ваеннапалонныя. 1945-1956"

  173-174(1736-1737) 13.09.03 У Мінскім яўрэйскім абшчынным доме адбылася прэзентацыя унікальнага зборніка "Ваеннапалонныя. 1945-1956". Кніга выдадзена мінскім дабрачынным таварыствам вязняў гета "Гілф" пры падтрымцы Саюза беларускіх яўрэйскіх грамадскіх аб'яднанняў і абшчын. У кнізе, заснаванай на архіўных матэрыялах Беларусі, краін Балтыі, Германіі, Расіі і Украіны, адлюстраваныя прававыя, палітычныя, эканамічныя, ваенныя і сацыяльныя аспекты палону.

25 верасня 2003

• ГА "Таварыства беларускай мовы" збірае з'езд

  183(1746) 25.09.03 12 кастрычніка ў Мінску адбудзецца VIII чарговы з'езд грамадскага аб'яднання "Таварыства беларускай мовы імя Францішка Скарыны" (ТБМ). На з'езде мяркуецца падвесці вынікі працы за два гады, што прайшлі пасля VII з'езда, і абраць новае кіраўніцтва ТБМ. Галоўная задача ТБМ — захаванне арганізацыі, яе структур і дзвюх газет — "Наша слова" і "Новы час". Па словах Алега Трусава, ГА ТБМ будзе развіваць працу ў рэгіёнах, культурна-асветніцкую і мемарыяльную дзейнасць, а таксама рабіць усё для захавання беларускамоўнай адукацыі і Нацыянальнага гуманітарнага ліцэя імя Якуба Коласа.

4 верасня 2003

• За што ж папярэдзілі?

  165(1728) 04.09.03 Міністэрства юстыцыі Беларусі вынесла пісьмовае папярэджанне грамадскаму аб'яднанню "Фонд імя Льва Сапегі". Падставай, як сцвярджаецца ў лісце Мінюста, стала тое, што арганізацыя "ажыццяўляе дзейнасць, якая не прадугледжана яе статутам і супярэчыць дзеючаму заканадаўству Рэспублікі Беларусь". На думку члена "Фонду імя Льва Сапегі", юрыста Андрэя Завадскага, гэтае папярэджанне міністэрства неабгрунтаванае.

3 верасня 2003

• Дні Японіі ў Беларусі

  164(1727) 03.09.03 Фотавыставай сучаснай архітэктуры Японіі ў мінскім Доме дружбы і культурных сувязяў з замежнымі краінамі адкрыліся Дні Японіі ў Беларусі. Старшыня прэзідыума Беларускага таварыства дружбы і культурных сувязяў з замежнымі краінамі Ніна Іванова адзначыла, што Дні Японіі ў Беларусі пройдуць з 1 па 25 верасня. У іх праграме: краязнаўчая вечарына "Токіо — сталіца Японіі", маладзёжны турнір па інтэлектуальнай гульні го, абмеркаванне шляхоў вырашэння экалагічных праблем спецыялістамі абедзвюх дзяржаў, якія перажылі трагедыі першых атамных бамбардзіровак і Чарнобыля, конкурс на веданне японскай мовы і іншыя мерапрыемствы.

25 жніўня 2003

• Ніл Бунэ ад'язджае, Флавія Бустрэа — прыязджае

  156-157(1719-1720) 23.08.03 Прадстаўнік Праграмы развіцця ААН, рэзідэнт-каардынатар ААН у Беларусі Ніл Бунэ завяршае сваю працу ў Мінску і пакіне краіну напрыканцы жніўня 2003 года. Ніл Бунэ працуе ў Беларусі з 1999 года. Пасля завяршэння сваёй місіі ў Беларусі ён накіруецца на працу ў Балгарыю. На пасаду новага кіраўніка прадстаўніцтва ААН у Беларусі прызначана Флавія Бустрэа (Італія), якая, як чакаецца, прыбудзе ў Беларусь у кастрычніку 2003 года.

22 жніўня 2003

• Смехатворнае папярэджанне

  154(1717) 21.08.03 Міністэрства юстыцыі Рэспублікі Беларусь вынесла пісьмовае папярэджанне РГА "Беларускі Хельсінскі камітэт". У лісце за подпісам першага намесніка міністра юстыцыі Аляксандра Петраша ўказваецца, што РГА "Беларускі Хельсінскі камітэт", "нягледзячы на вусныя прэтэнзіі рэгіструючага органа ", карыстаецца бланкам, штампам і пячаткай, на якіх "назва арганізацыі не адпявадае статутнай". У выпадку паўторнага ўстанаўлення Міністэрствам юстыцыі парушэння, нават тэхнічнай памылкі, за якую грамадскаму аб'яднанню было вынесена папярэджанне, РГА "Беларускі Хельсінскі камітэт" можа быць ліквідаваны.

13 жніўня 2003

• У вас ёсць непатрэбная вопратка? Аддайце...

  147(1710) 13.08.03 Да 10 верасня ў мінскім аддзяленні Беларускага саюза жанчын (БСЖ) праходзіць акцыя міласэрнасці, прымеркаваная да пачатку новага навучальнага года. Пры БСЖ па адрасе: вуліца Камуністычная, 4 адкрыты пункт прыёму ад насельніцтва адзення, абутку, кніг, цацак для дзяцей з малазабяспечаных, няпоўных і шматдзетных сем'яў. Падобныя акцыі ў Мінску ўжо на працягу 10 гадоў праводзяцца напярэдадні новага навучальнага года і каляндарных святаў.

11 жніўня 2003

• Амерыканцы прыслалі дапамогу на суму 3,5 мільёна долараў

  139(1702) 02.08.03 31 ліпеня ў Нацыянальны аэрапорт "Мінск" з ЗША прыбыў груз медыкаментаў і медыцынскага абсталявання на суму 3,5 мільёна долараў ЗША. Гуманітарны рэйс ажыццёўлены сумеснымі намаганнямі Дзярждэпартамента Злучаных Штатаў, пасольства ЗША ў Беларусі і амерыканскай няўрадавай арганізацыі "Сіціхоуп інтэрнэшнл". Падтрымку гэтай ініцыятыве таксама аказала беларуская грамадская арганізацыя "Надзея экспрэс".

• Праваабаронцаў клічуць у суд

  141(1704) 06.08.03 2 жніўня праваабарончая арганізацыя "Прававая дапамога насельніцтву" атрымала ліст Мінскага гарадскога суда, у якім гаворыцца, што ў вытворчасці ў гэтым судзе знаходзіцца грамадзянская справа па іску ўпраўлення юстыцыі Мінгарвыканкама аб ліквідацыі іх арганізацыі. Члены "Прававой дапамогі насельніцтву" лічаць, што падобныя дзеянні Міністэрства юстыцыі "накіраваны на адхіленне праваабаронцаў ад аказання эфектыўнай і своечасовай прававой дапамогі грамадзянам".

7 жніўня 2003

• Прэзентацыя бюлетэня "Право на защиту"

  140(1703) 05.08.03 Асноўнай тэмай бюлетэня, выдадзенага грамадскай арганізацыяй "Цэнтр па правах чалавека", стаў маніторынг выканання заканадаўства Рэспублікі Беларусь аб свабодзе сумлення, веравызнанняў і рэлігійных арганізацыях. Бюлетэнь змяшчае звесткі пра некаторыя канфесіі, што дзейнічаюць у Беларусі, разглядае праблемы прымянення на практыцы дзеючага заканадаўства ў галіне свабоды сумлення, змяшчае некаторыя міжнародныя дакументы, прысвечаныя гэтай праблемематыцы.

11 ліпеня 2003

• Васіль Лявонаў працуе над памылкамі

  121(1684) 09.07.03 Адбылася прэзентацыя кнігі экс-міністра сельскай гаспадаркі Васіля Лявонава "Праца над памылкамі". У сваёй кнізе старшыня папячыцельскага савета рэгіянальнага фонду "За новую Беларусь!" Васіль Лявонаў рапсавядае не толькі пра тое, чаго дасягнуў, але нечакана шчыра прызнаецца ва ўласных промахах і няўдачах. Кніга выйшла ў Смаленску, наклад — каля пяці тысяч экземпляраў.

9 ліпеня 2003

• Супраць знішчэння ліцэя

  120(1683) 08.07.03 Працягам барацьбы ўлад з грамадзянскай супольнасцю назвалі старшыні 14 буйных грамадскіх аб'яднанняў Беларусі ліквідацыю Нацыянальнага дзяржаўнага гуманітарнага ліцэя імя Я.Коласа. Старшыні грамадскіх аб'аднанняў БАЖ, "Кола сяброў", "Ратуша", "Наша Вежа", "Дыярыюш", ТБМ і іншыя скіравалі адмысловую заяву пратэсту супраць знішчэння ўстановы прэзідэнту Рэспублікі Беларусь, прэм'ер-міністру краіны, міністру адукацыі, а таксама ў Вярхоўны камісарыят па правах чалавека ААН, Камітэт па правах дзіцяці ААН (СRС), у Парламенцкую Асамблею АБСЕ, Бюро па дэмакратычных інстытутах і правах чалавека АБСЕ.

2 ліпеня 2003

• З Козікам збіраюцца судзіцца

  117(1680) 01.07.03 Старшыня Рэспубліканскага прафсаюза работнікаў радыёэлектроннай прамысловасці Генадзь Федыніч збіраецца прад'явіць іск аб абароне гонару і дзелавой рэпутацыі кіраўніку ФПБ Леаніду Козіку.

• Правяраюць "Праваабарончы цэнтр "Вясна"

  117(1680) 01.07.03 Пачалася чацвёртая за апошнія чатыры месяцы праверка дзейнасці грамадскага аб'яднання "Праваабарончы цэнтр "Вясна". Як паведамілі у прэс-службе "Вясны", правяраюцца рэгіянальныя аддзяленні арганізацыі. Па словах прадстаўнікоў аб'яднання, існуюць сур'ёзныя падставы лічыць, што ў адносінах да аб'яднання могуць быць скарыстаны рэпрэсіўныя метады.

26 чэрвеня 2003

• Выхад "Предпринимательской газеты" прыпынены на тры месяцы

  114(1677) 25.06.03 23 чэрвеня рэдакцыя "Предпринимательской газеты" атрымала па пошце два дакументы: другое па ліку папярэджанне Міністэрства інфармацыі і загад аб прыпыненні выхаду газеты на тры месяцы. Аб гэтым паведаміла прэс-служба Грамадскага аб'яднання "Беларуская асацыяцыя журналістаў". Рэдакцыя "Предпринимательской газеты" будзе абскарджваць вынесенае папярэджанне і загад намесніка міністра.

• Эксперт браў хабар

  113(1676) 24.06.03 Пры атрыманні хабару ў службовым кабінеце затрыманы старшы эксперт Брэсцкага аддзялення Беларускай гандлёва-прамысловай палаты. 41-гадовы старшы эксперт атрымаў 100 долараў ЗША за паслугу — спрыяльнае вырашэнне пытання аб складанні заключэння аб завышаным памеры шкоды на аўтамабіль.

20 чэрвеня 2003

• Вяртанне слаўнага імя

  110(1673) 19.06.03 ГА "Таварыства беларускай мовы імя Францішка Скарыны" выпусціла юбілейны каляндарык, прысвечаны выдатнаму дзеячу навукі і культуры Вацлаву Ластоўскаму, якому сёлета, 20 кастрычніка, споўніцца 120 гадоў ад дня народзінаў. Вацлаў Ластоўскі — вядомы гісторык, публіцыст, пісьменнік, літаратуразнаўца і грамадска-палітычны дзеяч. Выява Вацлава Ластоўскага змешчана на фоне базыльянскага манастыра ў Беразвеччы. Пазначаны гады жыцця. Дызайн выканаў мастак Ігар Марачкін.

• Міжнародная канферэнцыя па дэмакратызацыі тэлевяшчання ў Беларусі

  110(1673) 19.06.03 У Мінску адкрылася міжнародная канферэнцыя па праблемах дэмакрытызацыі тэлевізійнага вяшчання ў Беларусі. Яна арганізавана грамадскім аб'яднаннем "Беларуская асацыяцыя журналістаў" пры падтрымцы Савета Еўропы і аўтарытэтнай міжнароднай арганізацыі "Артыкль 19", якая выступае супраць цэнуры ва ўсім свеце. У падрыхтоўцы канферэнцыі таксама ўзялі ўдзел Саюз журналістаў Расіі і Фонд абароны галоснасці (Масква). У канферэнцыі бяруць ўдзел звыш 100 палітыкаў, дзеячаў культуры і журналістаў. Яны абмяркуюць стан масавага тэлевяшчання ў краіне, міжнародны вопыт грамадскага і недзяржаўнага тэлебачання.

10 чэрвеня 2003

• Больш за 450 беларусаў узялі ўдзел у праграме Дзярждэпартамента ЗША "Грамадскія сувязі"

  103(1666) 10.06.03 Штогадовая сустрэча выпускнікоў праграмы "Грамадскія сувязі" адбылася ў Мінску 6 чэрвеня. Праграма фінансуецца Дзяржаўным дэпартаментам ЗША і праводзіцца ў Беларусі прадстаўніцтвам IREX з 1997 года. Праграма рэалізуецца ў Расіі, Арменіі, Азербайджане, Беларусі, Грузіі, Казахстане, Кыргызстане, Малдове, ва Украіне і Узбекістане. Паводле слоў Майкла Козака, адным з асноўных кірункаў праграмы з'яўляецца малы бізнес; апрача гэтага фінансуюцца стажыроўкі ў іншых прафесійных сферах. Фіналістам праграмы прадстаўляецца магчымасць паехаць на кароткатэрміновую стажыроўку ў ЗША.

9 чэрвеня 2003

• Для тых, хто цікавіцца гісторыяй

  101(1664) 06.06.03 Пачынаючы з чэрвеня, ГА "Таварыства беларускай мовы імя Ф.Скарыны" аднаўляе працу гістарычнага семінара для моладзі Мінска. З цікавымі паведамленнямі аб мінулым і сучасным нашай сталіцы выступяць вядомыя беларускія пісьменнікі і гісторыкі, сярод іх — Уладзімір Арлоў, Кастусь Тарасаў, Віталь Скалабан, Анатоль Грыцкевіч.

20 траўня 2003

• Вучыцеся зарабляць сельскім турызмам

  83(1646) 14.05.03 Падрыхтаваны і перададзены ў парламент праект дапаўненняў у закон "Аб турызме", накіраваны на развіццё сферы сельскага турызму. Дакумент стаў вынікам першай міжнароднай навукова-практычнай канферэнцыі "Сельскі турызм і магчымасці яго развіцця ў Беларусі", што нядаўна прайшла ў Мінску. У найбліжэйшы час аб'яднанне "Агра— і экатурызм" пачне правядзенне семінараў для жадаючых займацца сельскім турызмам; плануецца таксамаа выданне метадычнай літаратуры.

• Памяць пра творцу

  85-86(1648-1649) 16.05.03 ГА "Таварыства беларускай мовы Францішка Скарыны" адзначыла 120-я ўгодкі нараджэння таленавітага беларускага пісьменніка, выдатнага грамадскага дзеяча Францішка Аляхновіча выпускам кішэннага каляндарыка на 2003 год. Выкарыстаны графічны малюнак А.Медзыблоцкага "Ф.Аляхновіч" на фоне Салавецкага манатстыра.

16 траўня 2003

• Купалле ў Нью-Йорку

  82(1645) 13.05.03 Беларусы Нью-Йорка будуць святкаваць Купалле з 27 па 29 чэрвеня гэтага года. Разам адзначыць Купалле і правесці тры дні на прыродзе прадстаўнікоў беларускай эміграцыі заклікала "Беларуска-амерыканскае задзіночанне" (БАЗА) — найбольш уплывовая арганізацыя беларускіх эмігрантаў у ЗША. Мяркуецца, што святкаванне пройдзе ў мясціне Уард-Раўнд-Рыдж у Крос-Рывэр (Нью-Йорк) — гэты куток прыроды знаходзіцца ў 45 хвілінах язды ад Манхэтана.

7 траўня 2003

• "Спатканне маладых літаратараў"

  80(1643) 03.05.03 З 1 па 4 мая ў Мінску праходзіць "Спатканне маладых літаратараў", арганізаванае Рэспубліканскім грамадскім аб'яднаннем "Беларускі ПЭН-цэнтр". У акцыі бяруць удзел каля 20 маладых паэтаў і празаікаў — пераможцаў літаратурнага конкурсу імя Наталлі Арсенневай. На працягу чатырох дзён пераможцы конкурсу змогуць прайсці літаратурныя семінары і майстра-класы. Весці заняткі будуць вядомыя беларускія літаратары.

30 красавіка 2003

• У Магілёве адкрылася азербайджанская нядзельная школа

  77(1640) 26.04.03 Пры Магілёўскім грамадскім аб'яднанні "Хазар" адбылося адкрыццё першай у Беларусі азербайджанскай нядзельнай школы. На яе занятках дзеці ва ўзросце ад 7 да 14 гадоў будуць вывучаць граматыку роднай мовы, гісторыю, культуру свайго народа.

25 красавіка 2003

• ПЕН-цэнтр уганараваў гісторыка Катлерчука

  70(1633) 17.04.03 У Мінску ў восьмы раз прайшла цырымонія ўручэння прэміі імя Францішка Багушэвіча Беларускага ПЕН-цэнтра. Яе атрымаў гісторык Андрэй Катлярчук за кнігу "Шведы ў гісторыі і культуры беларусаў". Кніга разглядае адносіны паміж Швецыяй і Беларуссю з IХ стагоддзя да нашых дзён.

22 красавіка 2003

• Новый информационный портал

  72(1635) 19.04.03 17 апреля сотоялась презентация информационного портала общественных организаций Республики Беларусь NGO.by. Этот первый в стране портал, рассказывающий о зарегистрированных общественных организациях, придумала, разработала и создала Белорусская республиканская общественная организация "Объединённый путь". Портал предлагает мониторинг белорусской прессы, электронную библиотеку, анонсы, новости и многое другое. Основные задачи портала — укрепление потенциала белорусских общественных организаций, улучшение обмена информации между ними, расширение международных контактов.

14 красавіка 2003

• Заява

  63(1626) 08.04.2003 Заява сакратарыята ТБМ з нагоды новага праекта "Правіла беларускай арфаграфіі і пунктуацыі".

25 сакавіка 2003

• Конкурс на тэму "Як мы пазнаёміліся"

  41(1604) 04.03.2003 ТБМ праводзіць конкурс лепшага апавядання на тэму "Як мы пазнаёміліся".

20 сакавіка 2003

• За справу бяруцца жанчыны

  29(1592) 14.02.2003 Пра падтрымку плануемага народнага маршу "За лепшае жыццё!" аб'явілі на прэс-канферэнцыі ў Мінску Народная артыстка Беларусі Зінаіда Бандарэнка, лаўрэат Дзяржаўнай прэміі СССР, кінааператар Таццяна Логінава, дэпутат Вярхоўнага Савета 13-га склікання Беларусі, кандыдат эканамічных навук Людміла Гразнова, жонка зніклага беларускага бізнесмена і грамадскага дзеяча Анатоля Красоўскага, кандыдат педагагічных навук Ірына Красоўская і студэнтка, актывістка руху "Зубр" Ірына Тоўсцік. Жанчыны выказалі сваю нязгоду з палітыкай цяперашніх уладаў і заклікалі беларускі народ прыняць удзел у вясновай акцыі пратэсту.